張敬軒低潮期陷經濟困難　為賺錢不惜出賣自己

由藝人黎芷珊主持的無綫節目《芷珊約您》，今晚（28日）邀請到嘉賓張敬軒（軒仔），芷珊會飛到紐約直擊軒仔美國巡唱的最後一站。

為了幫軒仔開騷前鬆一鬆，芷珊特別訂了一輛Limo（豪華轎車）孖軒仔去喜雀兒市場閒逛兼食好西，軒仔看到超長的Limo不禁露出O嘴表情，兩人在車上一邊歎香檳一邊傾偈，入行廿年的軒仔現在事業一帆風順，芷珊問他曾否遇過經濟困難？軒仔坦言有：「十個煲六個蓋囉，特別2004年開始，屋企係有困難，嗰刻係開始覺得我嘅生活同命運已經唔喺自己手上。」軒仔亦承認曾為賺錢做過一些自己不喜歡的事情，並感嘆：「點解我會做歌手？因為搵錢搵得快。」

軒仔續指年輕時因為等錢使，曾以十萬人仔賣斷收錄了《斷點》的專輯版權，並感嘆：「當年《斷點》據我所知（依家）係過億版稅。」講到未紅時，曾流連酒吧唱歌賺錢的軒仔，受過不少客人不禮貌對待，軒仔說：「唔需要有原因，一籃花生殼就飛埋嚟！」軒仔指當時雖自覺有點Hurt，但最終以超高EQ應對危機，並磨練出日後的圓滑性格。