姜丽文“瞒婚”收唔埋心形胸 秦沛笑到见牙唔见眼
2024年04月29日 13:43
东网电视
更多新闻短片
![](/hk/bkn/cnt/entertainment/20240429/photo/bkn-20240429134303039-0429_00862_001_01p.jpg?20240429233640)
资深演员秦沛爱女姜丽文(Lesley)与圈外男友柏豪原定于2020年举行婚礼,但因疫情令计划中止,当大家都以为佢至今尚未正式出嫁之时,原来佢已经偷偷“瞒婚”一个月,今日(29日)晒出大批婚礼靓相,同大家宣布喜讯!
Lesley向东网透露,其实佢同老公之前已经签咗字,但系一直未举行婚礼同斟茶仪式,如今如愿以偿同屋企人搞咗一个细party,三月时已经喺香港搞咗个小型婚礼,只系“family only”,20几人一齐低调行礼:“好感动呀,等咗咁耐先斟到茶,大家都觉得终于都做到呢个仪式啦,so it's really really nice!我喊都系因为斟茶畀阿爸,同埋佢(老公)阿爸阿妈,因为大家都等咗咁耐,终于都嚟到嗰一刻就好感动。”Lesley被东网问到系咪准备生BB时?佢就回应:“顺其自然!我会继续工作呀,太爱工作啦,唔会停!”
相中见老窦秦沛极开心,一头白发嘅佢笑到见牙唔见眼,眼眯眯咁接过一对新人嘅敬茶,秦沛望住阿女着婚纱嘅靓样,眼中更系流露无限父爱。至于Lesley一身谷胸Low cut婚纱亦非常性感,大露心形胸及玉背,优雅又够索。而四叔姜大卫一家人亦齐齐出席。