楊洛婷開完工銀包不翼而飛　所有證件冇晒

藝人楊洛婷（Rabeea）昨日（28日）擔任司儀工作，第二天發現銀包不翼而飛，懷疑在工作時被偷，她昨日已報案及在社交網發文希望能找回失物，她表示除了金錢以外，所有證件及信用卡都在銀包內：「我已經cut晒所有卡，申請番所有證件，最麻煩係我張駕駛執照冇咗，我依家車唔到小朋友返學，真係好唔開心，惟有當破財擋災，我老公都有氹我，佢話你個銀包都用咗一排，又話你都就快生日，我終於知道送咩禮物畀你。」