星玄｜天秤男古天乐激战洪金宝　被对方怒插喉咙竟是梦想？

今日系4月30日农历三月廿二，幸运星系天秤座，各方面运势都上升，生活惬意，心情极好。天秤男古天乐多次喺访问中提到，自己向来都系工作狂人，《九龙城寨之围城》、《谁变走了大佛》、《守阙者》等多套电影先后进行拍摄，依家已经开始进行宣传同准备上映，早前佢有份投资兼拍摄嘅电影《寻秦记》，等待多年终于有传会喺今年内上映，古天乐你各方面运势都上升，相信你有份拍摄嘅电影，票房都会有好成绩。

听日（1/5）上映嘅电影《九龙城寨之围城》，日前进行多场优先场，邀请到各界率先观赏，唔少行内人睇完之后，都纷纷大赞节奏够快够爽，而且动作打斗激战连场，除咗“城寨四子”林峯、刘俊谦、胡子彤、张文杰打到飞起之外，就连古天乐同合作多次嘅前辈洪金宝，今次亦喺戏中认真对打，其中一幕系洪金宝舞动长棍怒插古仔喉咙，令人看得热血沸腾。古仔曾笑言被前辈洪金宝打是梦想之一，而洪金宝亦大赞古仔功架十足，好打得。

至于肖兔嘅朋友桃花旺，获得另一半无限量支持，幸福感油然而生。肖兔嘅汤怡2021年嫁畀麦秋成之后生咗个女，一家三口生活幸福美满。早前佢成立个人自家烘焙品牌，唔只投资超过10万，开设网店同实体店，仲亲力亲为到饼房整饼，作为老公嘅麦秋成就无限量支持佢，汤怡嘅幸福感，真系隔住个Mon都Feel到呀。