「美國隊長」基斯伊雲斯被傳已簽約落實回歸MCU

美國男星羅拔唐尼（Robert Downey Jr.）早前受訪時「放風」話樂意再演「鐵甲奇俠」之後，近日又傳來好消息，有傳另一受歡迎的超級英雄角色「美國隊長」亦有望回歸MCU（漫威電影宇宙）！

近日有社交網傳出飾演「美國隊長」的男星基斯伊雲斯（Chris Evans）終於願意復出在第6集《復仇者聯盟：秘密戰爭》（Avengers: Secret Wars）再演「美國隊長」。而另有傳基斯亦會於即將上映的《死侍與狼人》（Deadpool & Wolverine）中出現，不過他並非演「美國隊長」而是以《神奇4俠》（Fantastic Four）的角色「霹靂火」身份出現！

去年11月基斯亦有提及他回歸MCU的傳聞，他當時表示：「你知喇，我都成日都睇到嗰啲報道，我認為每隔幾個月就有人講佢哋（漫威）搵咗唐尼、漢斯禾夫同埋史嘉娜以及所有其他人回歸！冇人同我傾過（回歸）。我唔會講實我一定唔會演，但對我嚟講個角色好珍貴，所以個劇本一定要啱先會打動到我。」