瑜伽女神Niki出土照曝光　3招搣甩Baby Fat不瘦胸

瑜伽教练郭雅琪（Niki），有着玲珑浮凸姣好身材嘅佢，因喺《全民运动3.3》中凭招牌Sports Bra示人一夜成名，成功打入屋后嘅佢，更频频喺社交网派福利，人气高踞不下。而日前，Niki亦喺社交网晒出2张陈年旧照道：“纯粹畀大家笑吓，笑死我。4-5年嘅变化。”只见相较中学时期嘅青涩感及Baby Fat，依家气质变得成熟之馀，身材更系Fit到漏，引嚟唔少网友激赞外，都忍唔住好奇想知道女神Niki点样做到瘦身不瘦胸呀！

对此，身为瑜伽教练嘅Niki亦大方分享道，其实自己减咗几年先有今日嘅成果，初初开始时都唔太明显，系到后期开始做瑜伽先有显著成效，并强调做瑜伽嘅同时都要做番带氧运动及控制饮食。