胡杏兒母子檔拍廣告　仔仔首次面對鏡頭唔怯場

藝人胡杏兒首次與大仔Brendan「母子檔」拍攝廣告，杏兒開心表示：「今次好難忘，因為係我同Brendan嘅『第一次』，加上以母親節為主題，我特別鍾意今次嘅概念，覺得好有藝術感，啲相亦好有型，好值得珍藏紀念！」

胡杏兒對今次拍攝效果大感滿意，尤其是收起笑臉拍攝型格造型時，覺得自己與Brendan神態相似兼默契十足，她說：「Brendan嘅果斷性格最似我，好清楚自己想要啲乜，所以就算係首次面對鏡頭佢都唔怯場。」身為三子之母的她笑指平日是家中女皇，所以每天也是母親節：「因為幾個小朋友都好需要我，而我又好享受同佢哋相處嘅時光，當然母親節都會慶祝吓，最重要係我哋一家人喺埋一齊，無論做啲乜都咁開心。」