真假關楚耀傻傻分不清？網友將粉絲認錯做本尊

藝人關楚耀去年11月同拍拖6年嘅女友Joann拉埋天窗，並轉戰內地發展事業。而日前，有網友喺社交網晒出自己一家三口街頭巧遇關楚耀嘅合照，並大讚偶像親民貼地，不過由於該名粉絲嘅丈夫打扮時尚得嚟又企C位，令唔少內地網友認錯人，紛紛以為着黃色格仔衫嘅男子先係關楚耀，甚至仲有網友留言疑惑道：「我看中間那位好帥呀，以為是關楚耀，一直看一直看，后面發現不對吧，關楚耀怎麼貼着人家老婆孩子呀？」好彩經過其他網友澄清，先知係烏龍一場。