女團Lolly Talk成員阿妹（黃敏蕎）今日（30日）為HOY TV全新節目《尋找喵喵的故事》進行拍攝，與貓店長近距離接觸。阿妹笑言自己也是「貓奴」一個，家中飼養一歲曼基貓豆豆的她，小時候曾飼養狗隻，笑指愛貓行為似足狗狗：「每次叫佢個名就會好聽話咁走過嚟，平時又會主動撩我哋玩。（最親你？）佢最鍾意黐我細佬，我個角色似係最底層，可以畀佢蝦嗰個，哈哈！」問到牠是否她的頭號粉絲，在家練歌愛貓是否會專心傾聽？她笑謂：「唔係囉，每次唱歌佢即刻走開。」

另她透露Lolly Talk新歌《九千九百九十九個我》的MV今晚會首播，表示今次演出是一個新體驗：「今次係有晒劇情，有男女主角。」又指每位成員都有跟男主角戴玉騏的超近距離接觸戲份。問她拍攝時可感尷尬？她説：「少少緊張，不過戴玉騏好專業，帶我哋入戲。」她又大爆當中跳舞戲份有成員不斷NG，笑指令剪輯同事相當頭痕。