李多慧瞓低倒奶騷Quali　結實蜜腿冧到暈

南韓啦啦隊女神李多慧，自從加盟台灣「樂天女孩」後人氣高踞不下，廣告代言更係接唔停，可惜隨着佢宣布跳槽去「小龍女」後，人氣急下滑之餘，更引嚟唔少網友質疑佢熱度退減，不過對於外界嘅質疑聲音，李多慧亦一於少理繼續做自己，日前更喺社交網晒出多張做運動嘅可愛靚相，唔止有嘟嘴賣萌嘅小清新風格，其比A4紙更纖幼嘅螞蟻腰，更係相當煞食，但最令網友冧到暈嘅莫過於係李多慧攰到攤喺瑜伽球上休息嘅相，自然不做作嘅同時，肉肉嘅蜜腿更係引嚟唔少網友留言激讚：「搞笑又有活力的多慧！」、「大黑知道自己很可愛嗎？」、「多慧腰線好美……」、「細到以為褲子要掉了！」