星玄｜衛詩雅跟謝霆鋒學開槍　狀態大好引Fans狂讚

今日係5月2日農曆三月廿四，今日幸運星係射手座，幸運指數排第一，事業發展可更上一層樓。射手座嘅衛詩雅（Michelle）入行16年，今年憑電影《不日成婚2》首度入圍《香港電影金像獎》競逐「最佳女主角」，Michelle趁今日幸運指數爆燈，去見多啲電影製作人同導演，話唔埋演到一個好角色，下次「影后」就係你呀！

而早前《海關戰綫》花絮流出，片入面謝霆鋒講解點樣開槍，而Michelle就乖乖地企喺隔離認真學習，十足一乖學生！呢排Michelle狀態大好，唔單止打扮得靚靚出街飲咖啡，更喺社交平台上傳影片教Fans化妝，本身五官就唔錯嘅Michelle，擦完高光同陰影，望落更加精緻，Fans更留言大讚：「本身已經100分」，相信keep住呢個狀態，電影試鏡一定可以所向披靡。

肖龍嘅朋友財運佳，可主動尋求投資機會，或有意外收穫。肖龍嘅裕美曾經大手筆，投資六位數開珠寶店做老闆娘，而佢嘅男友林作成日鑽研投資，今次不如趁運勢好，同男友一齊研究下，有咩投資新方向，話唔埋真係有筆意外之財！