薛凱琪美貌再進化　朱唇腫脹到網友認唔出

藝人薛凱琪（Fiona）出道多年仍然少女味濃，但近年因外貌頻頻變化，引嚟唔少網友質疑外，甚至有時因P圖或濾鏡太重手到變臉。而日前喺社交網晒出一輯工作花絮相嘅佢，望落古靈精怪得嚟又活潑可愛，狀態大勇嘅佢仲似足學生妹。

雖然Fiona保養有道，不過就有眼尖網友發現似乎每張相都P圖太重手，直言佢下唇太過豐滿，導致五官望落冇咁和諧：「看很久想說這真的是薛凱琪？」、「搞得不像自己！」、「這是整形還是P圖呀…薛凱琪原本的樣子就讚了呀！」、「嘴唇怪怪的。」