麥明詩放閃放到有聲　網民投訴呢位港姐冠軍最嘈...

「十優港姐」的麥明詩與老公盛勁為結婚兩個月甜蜜度甚高，更不時於社交網公開生活照晒恩愛。日前，二人請好友馮盈盈、陸浩明及女友陳詩欣到他們的愛巢打邊爐，吃飽到甜品環節時大家就重拾兒時回憶，吃勁甜的麥芽糖餅。麥明詩更拍片放上社交網並留言:「幾多人好似我咁，好耐冇食麥芽糖夾餅?」片中的盛勁為好論盡，但他就食得相當滋味，連手指都啜埋，真係點到入心。之後陳詩欣整餅時不時傻笑，但就相當熟手，見她整完之後並不是給男友陸浩明，而是一手遞給馮盈盈，搞到陸浩明O晒嘴。

盈盈保持一貫作風，片中「嘩」聲四起，事後網民留言:「FYY都仲係最嘈嗰個！」、「FYY的語調是獨特的，不出鏡也知。」不過，亦有不少網民大讚兩位港姐冠軍麥明詩及馮盈盈的素顏、淡妝樣，指她們靚得嚟平和又親切。