炎明熹突然宣布升呢做「媽媽」　Cute爆B仔跟佢姓？

「樂壇小天后」炎明熹（Gigi）突然宣布升呢做「媽媽」！原來佢養咗一隻貓仔，仲叫愛貓做「炎三料」，又為貓貓開交網帳號，大受歡迎。Gigi喺炎三料簡介寫下：「大家好，我是炎三料！7月19日出生，男。我媽@yiminghay，請多多指教。」網民仲話偶像當年參賽《聲夢傳奇》時，以大熱姿態勇奪三料冠軍，指佢為愛貓改做「三料」係飲水思源。

Gigi喺「炎三料」帳號分貓貓多張可愛相片，引得大批Gi炎粉（粉絲暱稱）湧入留言，勁寵粉嘅Gigi仲大玩角色扮演，搞笑用「炎三料」Tone：「媽媽你快啲出現覆佢哋啦！我打唔切啲字」、「媽媽點解你冇表情嘅？你太冷漠了」Gigi就「自編自導自演」回覆：「冇啊，乖仔我點會呢？媽媽愛你。啵啵」「母子」都同樣非常可愛。