生日飯食唔完！唐詩詠43歲牛一　好友輪流相約慶祝

藝人唐詩詠（Natalie）昨日迎來43歲生日，人緣極佳的Natalie亦獲得圈中不少好友為她慶生。她連日來於社交網晒出多張生日飯局照，只見她先是與黃翠如和方力申齊齊聚會，當中她更同黃翠如攬實合照，相當老友。之後她又與鄧麗欣及幾位好友相約食生日飯，與鄧麗欣的合照中，Stephy從後環抱着唐詩詠，由於Stephy的上半身被遮住，只露出頭，Natalie更搞笑說：「師姐個身去咗邊」。除此之外，早前一同拍劇的視帝陳山聰和林子善亦有為她慶生。

最後當然不少得同「鐵馬家族」一班兄弟姊妹慶生，Natalie分享多張大家的合照，而後日（6日）是二嫂湯洛雯的生日，因此Natalie為自己慶生同時也為二嫂送上生日蛋糕，「今年係我買蛋糕畀二嫂，二嫂買蛋糕畀我，我哋兩個買蛋糕畀子善同雷哥，然後大家再買蛋糕畀我哋，所以有好多個蛋糕，好複雜嘅關係。」而之前曾傳與「鐵馬家族」不和的鄭嘉穎，今次依然缺席「鐵馬」聚會。