鄺潔楹冒惡劣天氣返將軍澳　開車「過河」險被困

藝人鄺潔楹（Judy）與高海寧日前現身銅鑼灣街頭拍攝新劇，首度在鬧市拍動作戲的Judy，自言心情緊張兼壓力大：「驚NG畀人睇到，雖然個動作場面唔係好複雜，但話晒第一次喺幾十人面前做。」

而今日受惡劣天氣影響，她險被困突變澤國的將軍澳，她憶述：「揸車返工去到將軍澳隧道時，水位高到車胎頂部，惟有慢駛捱過條『河仔』，前面已經有幾架車死火，我都驚自己架車中途死火，好在最後好神奇返到公司。」滿以為「大步檻過」，豈料停車場只有她一架車，她在車內呆坐了一個鐘才知通告取消，大呻：「晨早6點半起身得個吉！」