方皓玟驚變「紙片人」　瘦到見骨健康令人擔心

曾奪我最喜愛女歌手的方皓玟（小明）升呢歌后，事業得意，但她2021年宣布與日籍丈夫安田慎吾（Shingo）離婚，有指她一直為此消瘦，近日更慘變「紙片人」。

翻查小明近日的社交網，見她大部分都以小背心上陣，性感依然，可是見她愈來愈瘦，晒背時更是背骨凸起，慘變「紙片人」，令不少網民擔心她的健康出現問題。見網民不斷噓寒問暖，她留言：「感恩大家近期好關心我健康，會唔會太瘦。其實我每日都食足3餐㗎，平時去茶仔我會食晒成碟炒飯再加杯奶茶。睇我手瓜起𦟌咁款，就知道我日常的確好勤力操練💪。所以大家唔使擔心，不過我都會聽大家話，再努力食多啲食多啲，炒飯一碟再加多份西多士啦！」

亦有網民指她張張相都是P圖，小明就立即晒私密照作一個對比，教大家分辯小明P圖前與P圖後，她留言：「既然大家咁關注我有冇P圖，就洲2張📸絕密私照📸你哋睇吓啦。一張係極緻P圖嘅小明😜。一張就係Filter/P圖/化妝乜都無，太乾搽咗d潤唇膏嘅小明。」