《中年2》譚輝智因網友1句說話　興奮到直播除衫露底褲

從《中年好聲音2》中一唱成名嘅譚輝智、劉威煌、顏米羔等人，雖然歌唱比賽就告一段落，不過因比賽結緣嘅佢哋，亦同節目導演潘文龍合作拍攝網上訪談節目，並於每周四開直播同網友唱歌交流。而最新一集直播中，眾人唔止晒出多張「黑圖」互相出賣，其中去完泰國番嚟嘅譚輝智，更因為喺直播中被網友讚「瘦咗」，竟然興奮到掀起上衣露出底褲邊，「零偶包」嘅舉動真係笑暈唔少網友呀！