E奶林襄校園處女騷曝光　「左擁右抱」直呼：好幸福

台灣啦啦隊女神林襄，有着玲瓏浮凸傲人身材嘅佢，不時喺社交網賣大包派福利，人氣高踞不下。而近年積極轉戰主持界嘅佢，日前更喺社交網晒出自己第一次接校園主持嘅片段外，仲自爆返到學校第一件事，竟然係衝去小食部重捨童年回憶，晒出同各式「戰利品」嘅合照之餘，仲羨慕道：「現在學生好幸福，福利社（小食部）甚麼都有！」

只見身穿藍色馬甲小背心嘅林襄，領口處戴上精緻喱士裝飾，清涼嘅搭配又令佢前凸後翹嘅曼妙身材展露無遺，襯埋下半身條紋短裙，整體望落清新可愛得嚟，又有啲性感，引嚟唔少網友羨慕道：「好想重返高中，為了襄老師！」、「林襄超棒的！」、「本人超漂亮的！」、「這福利真香，你超可愛的！」、「怎麼看都是你最美！」