葉靖儀蔡景行闖泰國命案酒店房　發生奇怪事件

由藝人黃紫恩（JoJo）、葉靖儀（Michelle）與蔡景行（行仔）等，主持的TVB Plus（82台）全新旅遊節目《怪宿宿》，今晚（6日）Michelle與行仔作「靈異探索」，入住泰國芭堤雅一間曾發生命案的酒店房間，當日屍體更被藏在床架內，Michelle入房便顯得很不自在，表情既徬徨又忐忑，二人掀起床板睇當日的藏屍位置時，Michelle嚇到緊閉雙目扶着床褥，而行仔則負責掀床板，相當英勇。

Michelle受訪表示事前參考過案發圖片，感受特別深︰「其實一去到酒店，周身都覺得唔舒服、好攰同頭痛，同埋覺得有啲凍，喺泰國咁熱都幾怪。」行仔則表示：「原本諗住男仔陽氣旺盛，所以幫佢（Michelle）頂，後尾我就後悔啦。」接住他爆出：「可能唔止我一個人，有啲奇怪嘢，喺房入邊……」原來攝影師曾有奇怪遭遇，平白無端感覺被「推」了一下，令鏡頭擺動移位，十分詭異。