伊能靜自爆童年受虐　皮膚潰爛浸雙氧水

台灣藝人伊能靜2009年同藝人庾澄慶離婚，2015年下嫁年輕10歲嘅內地藝人秦昊，育有一女嘅佢哋多年嚟感情穩定又甜蜜。而喺今年迎來56歲生日嘅佢，更大方帶員工嚟香港旅行，沿途都霸氣爭住埋單嘅佢，期間更忍唔住分享道童年回憶：「我小時候住過香港，對香港的記憶是孤單又飽滿，沒有父母的照顧，全身上下長滿疹子，一開始發爛就被大人丟入倒滿雙氧水的大盆子，痛哭大叫，但大人還是把我壓進去。」

伊能靜表示自己當時年齡太細，唔識得「改變命運」，直到之後媽咪嚟香港探佢時，發現伊能靜又黑、又瘦兼營養不良，甚至仲有皮膚病之後，先將伊能靜帶返台灣照顧，不過對伊能靜而言，又係另一個磨難嘅開始，雖然童年不堪回首，但伊能靜亦充滿正能量透露，自己唔會拒絕回憶過去，因為人生嘅每一刻都要好好保留、感激：「這一切才能造就現在的我，不想要跟任何人替換。」