王心凌開騷獲「封神」　搶飛難度激增4倍

「甜心教主」王心凌早前同張韶涵孭飛嘅演唱會，因2人剩係各自唱咗4首歌，加上台下粉絲淋足3個鐘雨嘅關係，畀唔少粉絲認為根本是詐騙，紛紛要求退票。而王心凌嘅「SUGAR HIGH世界巡迴演唱會」4日喺武漢開啟第25場，萬人場館座無虛席外，搶飛難度更係翻咗4、5倍，售票網站上更係平均7個人，有6個半搶唔到飛，認真一票難求之餘，「許美靜翻版」事件更係對粉絲零影響。

而演唱會上，王心凌先用武漢方言同粉絲打招呼，並表示當地嘅名產熱乾麵及三鮮豆皮好好味外，向來錫粉絲嘅佢更為武漢舞台新增「鑽石雨」特效，為歌曲《感情用事》增添唔少故事感，而王心凌對此亦相當滿意道：「覺得自己好像仙女。」之餘，現場粉絲更直呼《感情用事》嘅舞台可以直接「封神」。