王菲露腰＋筷子腳靚過花　自爆有劇開冇得陪有米男友

前港姐王菲日前參觀花影藝術展，面對場內林林統統的花卉，她隨即滿場飛四圍打卡，並把靚相分享到社交網，不過一眾網民卻錯重點，紛紛把焦點集中於王菲的造型上，大讚她穿上露腰套裝，既騷纖腰，又晒筷子腳，還大讚她美麗兼陽光十足。

王菲接受東網訪問，透露此行純粹支持朋友：「我朋友有份搞呢個展覽香港站，所以就同幾個朋友去打卡支持吓，真係好靚。」已有大半年沒有入劇組的她，興奮表示近日已獲通知即將有工開，更說：「因為都等咗好耐，雖然未知角色演咩，但都好開心，套劇應該要返內地開工，所以離開一段時間。（咁咪冇得陪太子爺男友張子丰？）係呀！之前試過喺寧波留咗2個月，今次應該唔使留咁耐，希望中間可以返嚟兩日咁啦！」