黃嘉雯弗爆出海晒身材　拋胸抱狗笑咪咪

近日天氣認真麻麻，不時下雨，但仍未有影響藝人黃嘉雯(Carmaney)心情，日前她跟好友黃婉恩齊齊出海，更帶埋愛犬出動，兩女同以背心仔、晒長腿，不過內穿三點式的Carmaney毫不吝嗇晒事業線，非常吸睛，期間更手抱愛犬互動，愛犬笑到咪咪眼，可愛非常。

Carmaney接受東網訪問時透露沒想過今年第一次出海便出師不利：「當日咁啱撞正紅色暴雨，好好彩出咗門口之後，雨就開始停，可以畀我哋盡情玩，狗狗們都玩得好開心，直至回程先至再落雨，非常幸運。」忙於主持飲食節目的她，直言稍後將出席水上活動拍攝，故近排積極做運動瘦身，保持弗爆身形。