頻遇變態佬　關嘉敏終於學識保護自己

藝人關嘉敏近日開始主持一個網上電台節目，與聽眾大談「女人經」。日前節目內以「性騷擾」為主題暢所欲言，靚女受訪時更大方透露：「唔知點解，我由細到大都好易遇到呢類事件，最記得係中一、二左右搭港鐵，見到個西裝友以手提包遮住前面當眾手淫，佢仲好猥瑣咁對住我笑，嚇到我喺下個站就落車嘞﹗」

後來一次返家途中，更撞上一個地盤工友先「眼睛非禮」，然後向她「開價千五」，由於當時擔心人生安全，嘉敏惟有飛快跑回家中，當無事發生﹗談到當上藝人後有否再遇同類事件，她回應﹕「當然有，試過遇上一個形象好好嘅男藝人，但喺我同佢演對手戲期間，試過『出手』，又講啲好難聽嘅說話，後嚟我同經理人公司講，公司派咗個同事跟場幫我。經過呢件事後，依家我學識咗點保護自己。（點解唔公開呢件事？）做人要積口德，唔想影響到其他人，算數啦，總之下次我識點做嘞。」