鄒文正首當男一騙財騙色　與余凱祺上演動作戲

由藝人鄒文正、余凱祺、黎紀君、陳善渝和張松枝主演的電影《查無此人》今晚在銅鑼灣舉行首映禮，入行19年首次擔正男主角的鄒文正，笑言心情「未出發先興奮」，興奮又緊張，角色又忠又奸，十分大挑戰，拍完此戲感覺自己進步不少。「今次部戲講詐騙，男女都要呃，仲要呃埋觀眾，（要騙財騙色？）兩樣都有。」黎紀君表示經常都收到詐騙短訊，差點受騙，感情方面有冇被呃過？笑言幸好沒有。鄒文正亦笑言：「有感情先有得呃，Dry咗好多年，都係專心事業。」

他與女主角余凱祺有不少動作場口，笑指「自己連蚊都不會打死，打女人有難度。」黎紀君透露有場跳懸崖戲，由替身代跳崖，看到替身跳到雙腳流血，「睇到自己心都離一離，不過自己都想試吓做打女，第一次拍電影，仲有女女感情線，感覺好新鮮，（女女有冇親密場口？）有鴛鴦戲水，不過我哋都有着衫，好唯美嘅！」