星玄｜陳楨怡單肩連身短裙超吸睛　網民心心眼：又靚又索

今日係5月10日農曆四月初三，肖鼠朋友人緣不錯，易在理財上遇到啟蒙老師。肖鼠嘅前港姐亞軍陳楨怡（Celina）擁有「九頭身」黃金比例，2年前開始習武，又曾喺內地拍劇兩年，認識到唔少新朋友，Celina人緣不錯，未知佢有冇諗過去學下投資，話唔埋遇到啟蒙老師，喺理財方面會有所得着。

日前，Celina於社交網上載兩輯美照，其中一輯見佢着單肩連身短裙，露出美肩之餘，仲大騷白滑長腿，而另一輯相，則見佢着上雙吊帶露腰高衩長裙，唔少網民見到都留下心心眼，並表示：「又靚又索」、「完美女神，掂呀」、「永遠嘅女神」。

至於今日幸運星係雙子座，理財態度可進取一點，容易從投資中獲利。擁有36E逼爆上圍嘅「TVB咪神」陳婉衡（Alycia）就係雙子座，擁有健身教練牌嘅佢，不時都會開班授課，吸引到唔少人報名參加，當中不乏從事金融行業嘅男士，甚至係富家子弟，唔知陳婉衡有冇理財習慣，有嘅話可以調返轉向班學生請教一下，有機會從投資中獲利。