舒淇Deep V狂滲少女味　Cute爆引同場藝人埋身

女神舒淇近日現身北京一個品牌派對現場，壓軸亮相嘅佢，以一頭濕髮搭配超Deep V黑裙示人，美艷中透出俏皮，網上即瘋傳佢呢身風華絕代嘅大美人Look，被網友大讚相當吸睛，少女味濃到爆。估唔到女神雖然已經48歲，但係妹豬性格不改，佢喺定點拍照環節時，聽從攝影師安排，被現場眾人望住佢小碎步後退，可愛到暈，就連同場嘅內地花旦周雨彤，都忍唔住即場拉住大美女舒淇吹水，就知佢魅力不凡。

而舒淇嘅台灣好友徐若瑄（Vivian）同樣都係凍齡美女，最近就被網友評價佢「歲月不饒人」、「老了」、「以前比較漂亮」等，本身EQ高嘅徐若瑄當然冇嬲，仲特別祝福留言嘅人：「我祝福特別留言的人，都能長生不老。」非常客氣。徐若瑄又分享自身觀點，認為樣貌會自然地慢慢老去，而創作永無止境：「如果我的創作能陪伴你們某些重要時刻，如果我的某些創作能被你們喜歡，那我喜歡被你們叫『才女V』，這樣我會比較開心。」