王浩信忽然唔再介意被叫「Signal」　轉攻內地有新面貌

視帝王浩信近年轉戰內地市場，早前佢就行出第一步，開通內地平台帳號，同網友更多交流，不過就衰喺重手filter之上。衰過一次嘅佢，依家就搣甩濾鏡煩惱，用「真面目」示人，網友自然受落，佢仲疑似想重回出道時嘅歌手路線，上載多張「專輯相」，更好大隻字寫上「Signal」，疑似用此名花名重新出發。

不過有資深粉絲就疑惑問佢，指記得佢喺2020年都仲話唔鍾意人哋叫佢「signal」王浩信回覆道：「這個字在我的生命裏一直出現，一定有原因，所以大概是我很喜歡的另一句：a dream is a memory from the Future, dream，夢想，也是靈魂裏收到的信號，有夢想才有新的發現，所以keep dreaming!」睇嚟佢對自己曾經嘅花名都接受晒，仲以此為曲，大方又有才華。