王浩信忽然唔再介意被叫“Signal”　转攻内地有新面貌

视帝王浩信近年转战内地市场，早前佢就行出第一步，开通内地平台帐号，同网友更多交流，不过就衰喺重手filter之上。衰过一次嘅佢，依家就搣甩滤镜烦恼，用“真面目”示人，网友自然受落，佢仲疑似想重回出道时嘅歌手路线，上载多张“专辑相”，更好大只字写上“Signal”，疑似用此名花名重新出发。

不过有资深粉丝就疑惑问佢，指记得佢喺2020年都仲话唔锺意人哋叫佢“signal”王浩信回覆道：“这个字在我的生命里一直出现，一定有原因，所以大概是我很喜欢的另一句：a dream is a memory from the Future, dream，梦想，也是灵魂里收到的信号，有梦想才有新的发现，所以keep dreaming!”睇嚟佢对自己曾经嘅花名都接受晒，仲以此为曲，大方又有才华。