星玄｜姚焯菲首支跳唱單曲熱爆　母親節親自下廚冧阿媽

今日係5月11日農曆四月初四，肖狗嘅朋友事業旺，今日嘅你自信心強，行動力強，而且做事得心應手。肖狗嘅「聲夢小花」姚焯菲（Chantel），上個月推出首支個人跳唱單曲，仲喺社交網上載唔同造型新相，相入面見佢，擺脫少女味，除了戴上不同款色太陽眼鏡，亦有全黑高貴Look，也有短裙騷長腿打扮，令一眾粉絲大感驚喜，Chantel你事業旺，做咩都得心應手，成班粉絲都撐你！

就快到母親節，Chantel之前出席母親節活動，受訪嘅時候就話，到時會親自街市場買餸，同落廚房整嘢食俾媽媽，Chantel咁孝順，媽媽食咩都會覺得甜入心啦！

今日幸運星係射手座，運氣好得令別人羨慕，宜多做有意義的事。有TVB「御用癲婆」之稱嘅趙希洛（Candice）就係射手座，舊年離巢無綫之後，工作依然做到冇停手，向來愛錫動物嘅Candice，閒時會帶愛犬四圍去，仲會一齊做慈善工作，趙希洛為動物做咁多慈善活動，好人有好報，運氣就梗係好啦！