靠神隊友老公派薑醋　可宜開心BB似自己

誕下一子、榮升人母的混血女主播可宜，透露BB過了十二朝，她的籃球員老公鄭錦興日前化身「薑醋速遞員」，給親朋好友派發由媽媽炮製的薑醋。可宜透露BB取英文名George，初出世時，因BB貌似老公而令她好擔心，可宜透露湊B時間多了，日對夜對，發覺BB愈來愈似自己，尤其一對雙眼皮大眼睛，十分可愛。餵脯人奶令她身心疲憊，終於明白做媽的辛苦，「好彩我有個神隊友老公，夜更就完全交畀佢照顧，老公好叻，變咗換片高手，BB經常「斟茶」畀佢，有次仲噴屎，笑死我，不過小朋友嘅反應我哋都一齊見證到，覺得好溫馨好開心。」她指BB日頭是乖乖仔，夜晚就變小惡魔，每晚都要跟BB大作戰，但看到他的笑容及表情多多，一切都是值得。