鄧小巧受壓開始減肥　目標減10磅

歌手鄧小巧、艾妮、洪助昇、黎展峯和黃明德今日在中環舉行露天街頭音樂表演。黎展峯表示是次活動之前因為落雨而兩度改期，開心今日晴天，但又不太曬；黃明德介紹靚聲師姐「Hifi女神」艾妮出場合唱，艾妮笑言自己是「Hifi女神經」；洪助昇獲粉絲一同和唱。

鄧小巧和艾妮受訪時稱，小巧好鍾意戶外騷，感覺好玩及自由一點，艾妮就勾起10年前在街頭唱Busking的回憶，十分懷念，她原本想㨂唱以前Busking唱過的《天下無雙》，但被洪助昇捷足先登㨂了。

另外，她透露去年底搬新屋，入住幾日後發現窗邊有個蜜蜂巢，大吃一驚，在網上求救，最後由傭人姐姐徒手便解決。問她是否易惹「狂蜂浪蝶」？小巧在旁助攻，講笑說：「有冇拍拖？」、「拍咗幾多年？」、「做嘢都可以拍拖，我都結咗婚啦！」場面搞笑。小巧就透露近日被老公白先生「日哦夜哦」下，終於開始減肥計劃，飲食依照卡路里計算及配合做運動，一星期已喊掉1KG，目標希望減掉10幾磅。「之前我喺加拿大跌親嚇親白先生，佢哦我要調節飲食和做運動，令骨質得到更好保護，就可以減少受傷。」