許瑋甯童年着得勁Fashion　網友激讚由細靚到大

台灣女星許瑋甯近期喺劇集《不夠善良的我們》中表現亮眼，細膩嘅演技備受好評外，有着意大利混血兒身份嘅佢，五官更係立體又甜美，深受廣告代言寵愛。而日前，喺社交網晒出童年照嘅佢，更分享道：「小時候比現在有態度。」只見相中嘅「小瑋甯」身穿綠色小背心襯高腰條紋褲，望落相當精靈可愛之餘，另一張着上POLO衫襯短裙，雙腳套上高筒襪，許瑋甯則笑言係「網球裝」，一系列如公仔般精緻嘅童年相，更係引嚟唔少網友留言讚嘆由細靚到大。