陳詩欣升呢闊太勁離地　竟然唔知港鐵站入閘要收錢

前《3日2夜》女神陳詩欣結婚後升呢豪門少奶奶，進駐千呎半山豪宅兼經常周遊列國，不但推Job唔憂做，生活更變得離地，呢日佢喺社交網自爆瘀事，竟然唔知港鐵站入閘後要收錢，引起熱議。佢表示與友人於銅鑼灣行街，打算經港鐵站抄小路去其他出口，但佢唔知原站離開同樣要收費，難以置信表示：「分享一件無聊事，話說今日我同朋友一齊去銅鑼灣TIMES，發現落雨了，她就好醒咁同我講我哋可以喺TIMES入閘然後SOGO出我哋冇搭鐵應該唔會收錢~結果..我呢段路收咗$3.9。我老公話點解你們會覺得入咗閘可以唔收錢，又真係！蠢嘅真係要同啲蠢嘅做朋友，真係蠢到冇人有。」即引來網民狠批：「有錢人係咁離地」、「基本常識都冇」。