朱智賢謝東閔被林子善出賣　疑已秘密結婚

前港姐朱智賢上年離開無綫後轉型做KOL，除咗大晒性感相派福利之餘，又不時自揭私下真面目拍片吸Like，大受網民歡迎。佢尋日（14日）就晒咗條「理想與現實」嘅片，睇到佢喺屋企戴住髮箍，着住「阿婆」睡衣喺度敷眼膜嗰陣，被男友謝東閔偷拍，佢得知被影之後即刻嬲嬲豬，拎起咕𠱸狂打對方，展露真性情！

網民大讚朱智賢可以為吸Like犧牲女神形象，自揭「真面目」唔係個個女仔做得到，而佢好友林子善就留言：「出賣老婆系列。」疑意外踢爆佢同謝東閔可能已經秘密結婚，佢哋都未有作出否認添，而網民都紛紛催佢哋快啲結婚啦！