东网电视
更多新闻短片
今年康城电影节红地毡再次成为华人红星亮相战场，不过今年就唔系女星之间嘅斗争，反而系要同出位网红争夺大会电视台直播镜头，因为大会Live几乎无视晒多位悉心打扮嘅真艺人，转而拍“骑呢双煞”中美混血网红李美越及内地话剧演员万千惠。不过大家唔使惊，因为终于等到内地顶流花旦唐嫣现身，佢以一身Bling bling贴身晚装长裙谷胸示人，更成为第一位有大特写中国艺人，被指系“中国女艺人的骄傲”。而佢现身当晚就有康城电影节中国青年电影之夜，当中同场女星佟丽娅、关晓彤、唐嫣亮相排排坐，美女同框分外养眼。
唐嫣依家升价十倍，气场冲到去康城。
暂时中国女艺人中，只得佢获大会畀大特写。
有图有真相。
佟丽娅转Look再现身。
关晓彤晒超长腿望杀出重围。
佟丽娅（左起）、关晓彤同唐嫣排排坐，养眼。
不过同样系现身康城电影节嘅女星张天爱就同人唔同命，佢竟然一落地就唔见行李，虽然当日仲有靓衫硬顶出席活动，不过佢嚟紧几日活动嘅衫都喺行李入面，即刻发文呼吁拎错佢行李嘅人联络佢：“落地后发现行李箱遗失了，目前已填报丢失单，也给航空公司致电，但一直没有响应，还未联络到。行李箱里有这几天参加活动的衣服，如果有拿错的朋友，辛苦联络我。如有也在法航丢过行李并成功找回的朋友，求分享找回经验”
唔好睇张天爱仲有靓衫现身，有机会系佢今次唯一一套。
因为佢唔见咗行李，啲晚装喺晒入面喇。
