陳靜超性感Deep V晚裝亮相　戴名貴翡翠頸鏈有專人跟場

陳靜與余安安在劇集《家族榮耀之繼承者》上演豪門少奶大戰，昨晚（15日）陳靜以超性感的Deep V晚裝亮相，贏盡美好身段，相當吸睛。她所佩戴的翡翠頸鏈更是貨真價實，相當名貴，拍攝時有專人跟場，陳靜表示：「現場有專人幫我哋戴同除，唔使埋位時我哋會乖乖地坐定定，盡量唔好周圍走令到首飾有損毀。其實有專人跟場真係安心好多，因為我自己都唔係好識戴。」

戲中因拜金下嫁許紹雄的陳靜指合作得相當開心，並笑指許紹雄是「美食大使」：「Benz哥唔單止有經驗，佢仲好幽默，份人好好笑、好Nice，有啲咩好嘢食都會同我哋分享，相對地同佢合作冇咁緊張。」