1987年当选香港小姐冠军嘅杨宝玲（Pauline），虽然喺娱乐圈发展一帆风顺，不过正当事业如日方中之际，喺1999年宣布息影，并转战从商担任珠宝公司非执行董事职位；感情方面即使经历过2段失败婚姻，但同初恋男友Gavin重遇嘅佢，亦选择相信爱情，同初恋男友结婚之馀，仲同儿子移民美国拉斯维加斯生活，幸福美满。

而早前适逢母亲节，杨宝玲亦晒出同妈咪嘅甜蜜合照，只见鲜少亮相幕前嘅杨宝玲依然保养有道神采飞扬外，皮肤更系白净有光泽，整体望落高贵又大方，唔讲都唔知原来杨宝玲已经57岁之馀，就连一旁嘅杨母同样冻龄有道，望落似足姊妹合照多过母女合照。