星玄｜“大骑楼”郭珮文性感老师　“眼镜娘”似AV女优

今日系5月17日农历四月初十，是日最旺生肖系蛇，人缘运不错，参加社交活动会有得着。肖蛇嘅“大骑楼”郭珮文（Juliana），备受无綫力捧，继早前喺综艺节目入面，扮演“人肉奖座”后，又入《爱．回家之开心速递》，饰演“邪花秘书”，虽然系客串形式，但仍深受观众喜爱，Juliana人缘唔错，相信佢之后好快又再入剧组拍新剧。

Juliana身材劲正斗，无论咩造型都好容易令人想入非非。早前佢着黑色Tune-Top、外衬白色衬衫，轻骚事业线同均匀嘅完美身形，本身已经好有睇头；不过最煞食嘅道具，就系佢一副斯文眼镜，变咗四眼妹之后劲有老师Feel，有网民食晒花生，话Juliana呢个Look好有AV感觉，好似睇紧Cosplay老师嘅爱情动作系列！Juliana点打扮都成为焦点，咪就系因为佢系性感女神啰。

至于幸运星系双子座，幸运指数排首位，生活惬意，工作也顺利。同样都系女神嘅周秀娜（Chrissie），近年影视两边走，上个月新片《大分瓶》（暂名），终于煞科，Chrissie即趁机休息，仲喺社交网上表示：“闲下来可以，睡个好觉，喝个咖啡，赏个手袋给自己。手脚的伤也有时间复原，照顾好自己，心情无比愉悦”，Chrissie幸运指数第一，生活当然写意啦。