楊丞琳唱歌又走音被翻出黑歷史　自豪有一樣嘢似張惠妹

台灣女星楊丞琳出道23年嘅佢，雖然歌影視三棲，唱過唔少經典歌曲，但近年嚟就經常捲入「失言風波」，逐漸連唱功都被唔少網友質疑有愧「天后」之名。而近日，喺內地真人騷唱《帶我走》時更失水準走音，雖然事後承認因為太過緊張導致表演不佳，但仍引嚟唔少網友狠批外，更有網友晒出佢13年前喺庾澄慶（哈林）節目上，自稱係「跟張惠妹的音域接近」引嚟哈林尷尬回應道：「張惠妹的比較有力…你的比較細緻一點。」

此外，楊丞琳更曾喺直播中自信表示自己嘅「吐氣的方式跟阿妹一樣」，並解釋道可能因為自細就鍾意阿妹，繼而連呼吸都受到阿妹影響，影片一出引嚟唔少網友留言道：「我最多可接受她說她的痣跟阿妹滿像的」、「終於有人也發現她自稱小阿妹了」、「音域接近，要確定捏」、「有感受到當時現場的尷尬嗎？重點丞琳是很認真的解釋！」、「她跟阿妹實存差十萬八千里。」