蘇韻姿感情冇着落　被爆要求高「成日藐啲仔」

藝人蘇韻姿在荃灣為楊詩敏（蝦頭）主持的HOY TV玄學節目擔任嘉賓，兩人在無綫時雖然未合作過，但皆愛攝影，不時相約影相，因而結緣。早前離開無綫的蘇韻姿指師傅贈言她放膽去做，不要想太多，在太多未知數下給了她方向，又指她今年應該趁機學習，會愈來愈好，能夠賺很多錢，她說：「感情方面師傅就話遲啲先有，原來係話我要求高，我以為我要求只係普通。」蝦頭笑說：「師傅話佢成日藐啲仔。」蘇韻姿笑說：「暫時未有得藐，到時藐下先，藐下藐下可能又啱呢。」講到拍攝《愛．回家之開心速遞》以來儲下1800集劇本一直收藏在床下底，最近搬屋作出斷捨離，最終掉了大部份，只留下10集有紀念價值，亦意味自己重新出發。蝦頭早前帶阿媽睇韓國猛男show，爆阿媽睇得相當興奮，令她喜出望外，蘇韻姿則自言怕醜，未有太大興趣欣賞。