彭于晏死亡角度自拍　無懼雙下巴現形

台灣男神彭于晏（Eddie）向來靚仔有型，係唔少人心目中嘅男神，而日前有份出席國際影壇盛事《第77屆康城電影節》嘅彭于晏，日前亦喺社交網晒出多張靚相，其中佢同佟麗婭嘅合照，更因為凍齡靚樣嚇窒唔少網友。

只見喺社交網晒出現場自拍嘅彭于晏分享道：「很感動的夜晚，見到了喜歡的演員，難忘的經歷，繼續體驗！」只見佢低炒自拍之餘，加埋暗紅色嘅燈紅，整體望落氣氛雖然似足鬼片嚇人，但仍難掩彭于晏嘅帥氣外表，引嚟唔少網友留言讚靚仔。

而2位高顏值嘅帥哥美女合照，同樣引嚟網友讚2人凍齡有道，絲毫睇唔出已經40歲外，其中佟麗婭分享《狗陣》劇組成員行紅地氈嘅合照，亦引嚟彭于晏不滿道：「為甚麼紅氈合影不帶我？」隨後佟麗婭亦即刻P圖處理，並喺留言區晒出新版「四人合照」。