Winka再孖樂隊Nowhere Boys合作　主動出擊抄牌邀歌

樂隊Nowhere Boys與女團COLLAR成員Winka早前合唱《異人之野望》反應不俗，及後於節目更夾Band夾上癮，最近將此歌編成「激昂版」，同場再把Winka獨唱慢歌《一手造成》重新編成Punk版上載網上平台，Winka直言非常欣賞Nowhere Boys琴鍵兼小提琴手「漁佬」作曲才華，故主動出擊邀歌，更即時「抄牌」交換聯絡方式，Winka笑言為防對方走數，會在社交網公開追歌，非常搞笑。

對於舊作改頭換面，Winka直言有耳目一新感覺：「可以作為這首歌面世一周年的紀念版，我覺得好正，因為我真係無諗過大家印象中嘅慢歌，可以變成令到大家都好Hyper、一齊跳嘅歌，我頭先跳到幾乎唔夠氣唱！」更指該首傷感情歌經過一年後，重新編曲和演釋，已昇華「釋懷版」:「我已經幻想出騷時可以有呢個新版去玩，仲可以一齊夾Band表演！我相信吸引力法則，成日話要做Bandshow和戶外表演，講講吓就有架啦！」