雲浩影趁熱潮公開與「信一」劉俊謙甜蜜合照　網民反擊：城寨唔到你亂嚟！

電影《九龍城寨之圍城》票房、口碑皆理想，除了打得精彩外，戲中飾演「信一」的劉俊謙更被大讚十分靚仔，網上亦一時間湧現一批自稱「劉太」，可見其相當受歡迎，歌手雲浩影（Cloud）就比一眾「劉太」幸福得多了，她在社交網「晒福利」，網晒多張跟劉俊謙拍攝時的合照，她寫道：「睇完《九龍城寨》，係時候要分享吓私人珍藏，Thank you 信一。」

她早前找來劉俊謙擔任新歌《慢性分手》MV男主角，MV中二人相當甜蜜，絕對令一眾劉太「葡萄」！網友即紛紛留言：「識玩」、「城寨唔到你亂嚟」、「威啦咁有先見之明」、「放開個男仔」、「得啦得啦，知你叻啦」、「同佢拍完MV 之後，有冇一秒變劉太？」、「咁樣同全港女人宣戰得唔得嫁」，有網友大讚二人是高CP值螢幕情侶，提議若電影公司開拍第二部《九》，要找Cloud當信一嫂。