汪小菲超錫網紅未婚妻　天價百萬包包任佢買

台灣女星徐熙媛（大S）前夫汪小菲自宣布向台灣網紅女友Mandy求婚成功，佢就忽然對大S之間嘅金錢、官非糾紛愈嚟愈唔care，早指更有傳因Mandy已懷孕，借小生命化解汪小菲戾氣。汪小菲對今次嘅感情似乎非常上心，近日網上流出汪小菲陪Mandy到商場濕平，佢貼心幫Mandy開車門，又甜蜜手拖手，有網友注意到，Mandy身上嘅包包就係號稱「奢侈品包包天花板」嘅喜馬拉雅包，好多大卡士女星同名媛都有收藏，林青霞、關之琳同周揚青都喺公開場合孭過。

翻查資料，呢個喜馬拉雅包係用價格不斐嘅鱷魚皮打造，因為鱷魚皮嘅顏色激似喜馬拉雅山脈上雪峰，因而取名。喜馬拉雅包分鑽扣款同常規款，先前以喜馬拉雅鱷魚皮製作嘅鑽石包拍賣出新台幣1,680萬元（約407萬港元）天價，Mandy孭嘅係冇鑽石款，但價格至少要新台幣450萬元（約109萬港元）。