汪小菲超锡网红未婚妻　天价百万包包任佢买

台湾女星徐熙媛（大S）前夫汪小菲自宣布向台湾网红女友Mandy求婚成功，佢就忽然对大S之间嘅金钱、官非纠纷愈嚟愈唔care，早指更有传因Mandy已怀孕，借小生命化解汪小菲戾气。汪小菲对今次嘅感情似乎非常上心，近日网上流出汪小菲陪Mandy到商场湿平，佢贴心帮Mandy开车门，又甜蜜手拖手，有网友注意到，Mandy身上嘅包包就系号称“奢侈品包包天花板”嘅喜马拉雅包，好多大卡士女星同名媛都有收藏，林青霞、关之琳同周扬青都喺公开场合孭过。

翻查资料，呢个喜马拉雅包系用价格不斐嘅鳄鱼皮打造，因为鳄鱼皮嘅颜色激似喜马拉雅山脉上雪峰，因而取名。喜马拉雅包分钻扣款同常规款，先前以喜马拉雅鳄鱼皮制作嘅钻石包拍卖出新台币1,680万元（约407万港元）天价，Mandy孭嘅系冇钻石款，但价格至少要新台币450万元（约109万港元）。