朱智賢唔急嫁謝東閔：我有大把青春

藝人朱智賢（朱朱）與敖嘉年今日（19日）為HOY TV健康資訊節目《健康關注組》進行錄影，敖嘉年表示跟朱朱相識多年，加上在舊公司也曾合作過當主持，指朱朱經常滔滔不絕，故找她來一起搭檔節目主持，又指已預備耳塞抵擋對方聲浪，笑言對方跟藝人梁嘉琪的噪音能較高下，不過最重要開心：「因為我哋節目主要係講疾病，希望可以用輕鬆同歡樂嘅氣氛去講。」

談到朱朱被傳跟男友謝東閔好事近，嘉年即恭喜對方，更化身記者追問，朱朱即大呼：「流㗎！我都唔知喺邊度嚟，啲人無啦啦恭喜我。」她笑指源於好友林子善在網上留言，令大家信以為真：「佢亂噏嘢，之後啲報道出咗嚟！（諗住幾時結婚？男友有冇表示？）我唔知呀，隨緣啦。」她又拿起電話笑言給大家聯絡男友詢問，表示結婚急不來，叫大家不用擔心，因自己大把青春，問到長輩們有否向她催婚？她説：「冇喎，我阿爸阿媽畀好大自由度我，冇壓力，佢哋不嬲放養我，哈哈！」她表示男友家人也很好，未有給予二人壓力，暫未有結婚生B打算。