何家勁放假打網球　波友竟然係呢2位御用惡人

1993年憑劇集《包青天》「御貓展昭」紅遍東南亞嘅何家勁，靚仔有型嘅佢因成日出演俠客角色，正義形象更係深入民心。而近年息影轉戰商壇，從事健康食品生意嘅佢，雖然冇再現身幕前，不過仍不時透過社交網分享生活近況同粉絲互動，閒時更會約埋昔日圈中好友食飯打波，生活認真寫意，日前何家勁更晒出同圈中兩位「御用惡人」林國斌、盧惠光打網球嘅影片，而劇中惡形惡相嘅林國斌及盧惠光，則少咗劇中嘅「惡相」外，笑容滿面嘅佢哋仲多咗份慈祥， 難得嘅「正邪同框」畫面，掀起唔少網友兒時回憶。