D奶巫苡萱啦啦隊跳足9年　宣布隨時引退

台灣啦啦隊「樂天女孩」成員巫苡萱，有着甜美外貌及34D玲瓏浮凸身材嘅佢，不知不覺間從事啦啦隊應援已有9年時間，近年橫跨主持界嘅佢表現同樣亮眼，係唔少粉絲心中智慧與美貌兼備嘅才女。而早前喺節目透露有退役計劃嘅佢，日前更承認「隨時可能宣布離開」並將每次應援都當係最後一次般竭盡全力演出。

至於引退原因，巫苡萱表示同年齡或體力都無關：「我體力很好，我可以16蹲，還多蹲兩下18蹲，不用擔心，主要是自己心境的成長。」現年37歲嘅佢，亦不時遇上「啦啦隊你可以跳多久？」嘅問題，令佢有感而發道：「我真的覺得台灣對於表演者的舞台，應該要更善意回應。」並表示演員、主持人都可以活躍多年，希望大家抱住同樣心態支持啦啦隊成員：「因為大家很喜歡這個舞台、這個球隊，希望球迷和觀眾們多給我們一點善意。」